Еўрадэпутаты заклікаюць Расію паважаць права экс-савецкіх краін выбіраць сувязі з ЕС

Расія павінна паважаць права ўсходніх суседзяў ЕЗ выбіраць, ці заключаць з ЕЗ пагадненні аб асацыяцыі, гаворыцца ў рэзалюцыі Еўрапарламента, прынятай 12 верасня. Напрыклад, Расія павінна ўстрымлівацца ад аказання ціску, такога як нядаўнія гандлёвыя санкцыі супраць Украіны і Малдовы і пагрозы Арменіі, каб адгаварыць іх ад падпісання або парафіравання пагадненняў з ЕС на саміце Усходняга партнёрства ў Вільні ў лістападзе гэтага года, дадаецца ў тэксце.

Дэпутаты Еўрапарламента выказваюць шкадаванне з нагоды недапушчальнага ціску, які Расія аказвае на краіны Усходняга партнёрства ЕС у сувязі з набліжэннем Вільнюскага саміту Усходняга партнёрства. Яны заклікаюць паважаць суверэнітэт незалежных дзяржаў і не ўмешвацца ў іх унутраныя справы, як таго патрабуе міжнароднае права. Краіны «Усходняга партнёрства» маюць права «будаваць адносіны з партнёрамі па сваім выбары», дадалі яны.
Рэзалюцыя рашуча адхіляе думку аб тым, што адносіны ЕС і Расіі з краінамі Усходняга партнёрства можна разглядаць як «гульню з нулявой сумай». Замест таго, каб выкарыстоўваць замарожаныя канфлікты ў рэгіёне ў сваіх геапалітычных і эканамічных інтарэсах, Расея павінна супрацоўнічаць і ўносіць канструктыўны ўклад у эканамічную і палітычную стабільнасць рэгіёну, дадаецца ў тэксце.

Еўрадэпутаты таксама заклікаюць краіны «Усходняга партнёрства» працягваць падрыхтоўку да віленскага саміту «Усходняга партнёрства» і «не паддавацца ціску» з боку Расеі. Яны пацвярджаюць сваю рашучую падтрымку парафіравання або падпісання пагадненняў на Віленскім саміце з тымі краінамі Усходняга партнёрства, «якія гатовыя і жадаюць гэта зрабіць».

Неабходнасць дзеянняў ЕС

ЕС павінен узяць на сябе адказнасць за абарону краін Усходняга партнёрства, якія падвяргаюцца «адкрытаму, трывожнаму і эскалацыйнаму» ціску з боку Расеі, кажуць еўрадэпутаты. Яны просяць Еўрапейскую камісію і Раду выступіць з «канкрэтнымі і эфектыўнымі мерамі», каб падтрымаць краіны-партнёры ў іх еўрапейскіх памкненнях і выбары.

Фон

Украіна, Арменія, Грузія і Малдова маюць перспектыву падпісання або парафіравання пагадненняў аб асацыяцыі або гандлю з ЕС на Вільнюскім саміце Усходняга партнёрства ў лістападзе гэтага года. Аднак Расія нядаўна заблакіравала імпарт ад буйнога ўкраінскага вытворцы кандытарскіх вырабаў і забараніла імпарт віна і спіртных напояў з Малдовы — гандлёвыя санкцыі, якія дэпутаты Еўрапарламента лічаць «прыкрыццём абуральнага палітычнага ціску». Нядаўна Арменія абвясціла аб далучэнні да Мытнага саюза Расіі, што несумяшчальна з пагадненнем аб свабодным гандлі з ЕС. Дэпутаты Еўрапарламента лічаць, што гэтая заява звязана з «пагрозамі бяспекі» з боку Расеі.