ЕС павінен быць гатовы не прызнаць выбары ў расейскую Думу, лічыць ЕНП

«Нам патрэбная рэвізія палітыкі Еўропы ў дачыненні да Расеі. Мы павінны стрымліваць расейскія пагрозы, стрымліваць расейскае ўмяшаньне ў ЭЗ і яго суседзяў і стратэгічна падтрымліваць прадэмакратычныя сілы ў Расеі. Мы павінны працаваць зыходзячы з таго, што змены ў гэтай краіне магчымыя і што «дэмакратыя перш за ўсё» з'яўляецца нашай першай задачай у нашых адносінах з Расіяй. Расія можа быць дэмакратыяй», — заявіў член Еўрапарламента ад ЕНП Андрус Кубілюс напярэдадні пленарных дэбатаў аб будучыні палітычных адносін ЕС і Расіі 14 верасня.

У парламенцкім дакладзе, аўтарам якога стаў Кубілюс і які будзе вынесены на галасаванне сёння (15 верасня), падкрэсліваецца, што Еўропа павінна ўзаемадзейнічаць з Масквой па пытаннях, якія ўяўляюць агульны інтарэс, такім як кантроль над узбраеннямі, пабудова міру, глабальная бяспека або змяненне клімату. Аднак такое супрацоўніцтва павінна быць строга абумоўлена жаданнем Крамля выконваць правы чалавека і міжнародныя законы. «Супрацоўніцтва ў пэўных канкрэтных сферах не павінна прыводзіць да саступак каштоўнасцям ЕС і ніколі не павінна ігнараваць наступствы для нашых партнёраў. Нам патрэбна больш смеласці, каб заняць цвёрдую пазіцыю ў адносінах да крамлёўскага рэжыму ў абарону правоў чалавека. Мы павінны пераканацца, што любое далейшае ўзаемадзеянне з Крамлём залежыць ад гатоўнасці спадара Пуціна спыніць агрэсію, рэпрэсіі і запалохванні ўнутры і за межамі Расеі», — падкрэсліў Кубілюс.

Далей у дакладзе падкрэсліваецца, што ЕС павінен быць гатовы не прызнаць расейскую Думу і адхіліць краіну ад міжнародных парламенцкіх асамблей, у тым ліку Рады Еўропы, у выпадку, калі парламенцкія выбары ў Расеі на гэтым тыдні будуць прызнаныя фальшывымі. «Людзі ў Расеі павінны мець права выбару, як і ў любой іншай дэмакратычнай краіне. Калі ключавыя апазыцыянэры і апанэнты расейскай улады сядзяць у турме ці пад хатнім арыштам, тады выбару няма. Бесперапынныя рэпрэсіі Крамля супраць усіх апазіцыйных кандыдатаў, свабодных СМІ і НДА падрываюць легітымнасць і справядлівасць выбараў. Мы паўтараем, што лідар апазіцыі Аляксей Навальны павінен быць вызвалены, а таксама ўсе, хто падтрымліваў яго падчас мірных пратэстаў», — сказаў на заканчэнне Кубілюс.

Падзяліцеся гэтым артыкулам: